ಚಿಕ್ಕಮಗಳೂರು:ಮಳೆಗಾಲ ಬಂತೆಂದರೆ ಮಲೆನಾಡಿನಲ್ಲಿ ಜಲಪಾತಗಳು ಮೈದುಂಬುತ್ತವೆ..ಶೃಂಗೇರಿ ಬಳಿಯ ಕಿಗ್ಗ ಸಮೀಪದ ಸಿರಿಮನೆ ಜಲಪಾತ ಮನಮೋಹಕವಾದುದು. ಜಲಪಾತದ ಬಳಿ ಹೋಗಲು ಒಂದಿಷ್ಟು ನಡೆಯಬೇಕು. ಆ ನಡಿಗೆ ನಿಜಕ್ಕೂ ರೋಚಕ…ಸುರಿವ ಮಳೆ…ನೆಲದಲ್ಲಿ ಹರಿಯುವ ನೀರಲ್ಲಿ ನಡೆದು ಹೋದರೆ ಇದ್ದಕ್ಕಿದ್ದಂತೆ ನಮ್ಮೆದುರು ತೆರೆದುಕೊಳ್ಳುವ ಸಿರಿಮನೆ ಜಲಪಾತದ ದೃಶ್ಯ ಅತ್ಯಂತ ರಮಣೀಯ….ಸುಮಾರು ನೂರು ಅಡಿ ಎತ್ತರದಿಂದ ಧುಮ್ಮಿಕ್ಕುವ ಈ ಜಲಪಾತದ ಸೌಂದರ್ಯ ನೋಡಿಯೇ ಅನುಭವಿಸಬೇಕು…ಪ್ರಕೃತಿ ಸೌಂದರ್ಯದ ಚಡಲುವಿನ ಖನಿ ಸಿರಿಮನೆ ಫಾಲ್ಸ್… ಇಲ್ಲಿ ಪ್ರವಾಸಿಗರ ಹುಚ್ಚಾಟಕ್ಕೆ ಕೊನೆಯಿಲ್ಲ…ಅಪಾಯಕ್ಕೆ ಎಡೆಗೊಡದಂತೆ ಜಲಪಾತದ ಸೌಂದರ್ಯ ಸವಿಯಬೇಕು ಎಂಬುದು ಸ್ಥಳೀಯರ ಮನವಿಯಾಗಿದೆ.
