ಕಡೂರು: ನಿವೃತ್ತ ಉಪನ್ಯಾಸಕ ಎಲ್.ಪುಟ್ಟಕರಿಯಪ್ಪ ಶುಕ್ರವಾರ ನಿಧನ ಹೊಂದಿದರು.
ಕಡೂರಿನ ಸರ್ಕಾರಿ ಪದವಿಪೂರ್ವ ಕಾಲೇಜಿನಲ್ಲಿ ರಸಾಯನ ಶಾಸ್ತ್ರ ಉಪನ್ಯಾಸಕರಾಗಿ ,ನಂತರ ಕಾಲೇಜು ಪ್ರಾಚಾರ್ಯರಾಗಿ ಕರ್ತವ್ಯ ನಿರ್ವಹಿಸಿದ್ದರು.ನಿವೃತ್ತಿಯ ನಂತರ ಕಡೂರಿನಲ್ಲಿ ನೆಲೆಸಿದ್ದರು. ಮೃತರ ಅಂತ್ಯಕ್ರಿಯೆ ಶನಿವಾರ ನಡೆಯಲಿದೆ.
ಎಲ್.ಪಿ.ಕೆ ಎಂದೇ ವಿದ್ಯಾರ್ಥಿಗಳ ಮೆಚ್ಚಿನ ಉಪನ್ಯಾಸಕರಾಗಿದ್ದ ಪುಟ್ಟಕರಿಯಪ್ಪ ಅವರು ಪ್ರಾಚಾರ್ಯರಾಗಿದ್ದ ಸಮಯದಲ್ಲಿ ಕಾಲೇಜಿನ ಅಭಿವೃದ್ಧಿಗೆ ಸಾಕಷ್ಟು ಶ್ರಮಿಸಿದ್ದರು.ನಿವೃತ್ತಿ ನಂತರವೂ ಕಾಲೇಜಿನ ಜೊತೆ ಒಡನಾಟವಿಟ್ಟುಕೊಂಡು ಅಭಿವೃದ್ಧಿಯ ಬಗ್ಗೆ ಸಲಹೆಗಳನ್ನು ನೀಡುತ್ತಿದ್ದರು.